मुंगूल येथे झालेल्या हल्ल्याप्रकरणी फातोर्डा पोलिसांनी आणखी दोन आरोपींना अटक केली आहे. अटक करण्यात आलेल्या आरोपींची नावे सूरज नाईक बोरकर (बोरीम) आणि ओमासा (राजस्थान) अशी आहेत. या हल्ल्यात वापरण्यात आलेली इनोव्हा कार देखील पोलिसांनी जप्त केली आहे.

पोलिस सूत्रांच्या माहितीनुसार, ओमासा हा कुख्यात लॉरेन्स बिश्नोई गँगचा सदस्य आहे. त्याला गोव्यात एका शिरोड्यातील गुन्हेगाराने बोलावून घेतले होते. याच गुन्हेगाराने या हल्ल्याची योजना आखली असून तो सध्या फरार आहे.