गोव्यातील विविध भागांत पोलिसांच्या नावाखाली वृद्ध महिलांना लुटणाऱ्या दोन अट्टल चोरट्यांच्या मुसक्या आवळण्यात डिचोली पोलिसांना यश आले आहे. ७ जानेवारी २०२६ रोजी एका नाट्यमय पाठलागानंतर या तोतया पोलिसांना अटक करण्यात आली. हे संशयित गेल्या अनेक दिवसांपासून पोलिसांचे सोंग घेऊन सर्वसामान्यांना गंडा घालत होते, मात्र अखेर ते खाकी वर्दीच्या तावडीत सापडले आहेत. या तोतया पोलिसांना सात दिवसांची पोलिस कोठडी सुनावण्यात आली आहे.