शिगाव: शिगाव येथील प्रसिद्ध श्री सातेरी देवस्थानात चोरीचा अयशस्वी प्रयत्न झाल्याची घटना समोर आली आहे. अज्ञात चोरट्यांनी मंदिराच्या मुख्य दरवाजाच्या कुलुपाची तोडफोड केली, मात्र त्यांना चोरी करण्यात यश आले नाही. ही चोरी करण्यापूर्वी याच चोरट्यांनी माटोजे गावातील एका व्यक्तीची मोटरसायकल चोरल्याचा संशय पोलिसांनी व्यक्त केला आहे. मंदिरातील सीसीटीव्ही कॅमेऱ्यात चोरटे कैद झाले असून, पोलीस या प्रकरणाचा अधिक तपास करत आहेत. या घटनेमुळे स्थानिक नागरिकांमध्ये भीतीचे वातावरण आहे.