कर्मचारी भविष्य निर्वाह निधी संघटनेने (ईपीएफओ) आपल्या सुमारे ७ कोटी सदस्यांना मोठा दिलासा दिला आहे. संघटनेने जाहीर केले आहे की, आता सदस्यांना त्यांच्या भविष्य निर्वाह निधीतील (PF) जमा रकमेतून १००% पर्यंत रक्कम काढण्याची परवानगी मिळणार आहे. हा महत्त्वपूर्ण निर्णय केंद्रीय न्यास मंडळाच्या (CBT) बैठकीत घेण्यात आला आहे.

या निर्णयामुळे अनेक कर्मचाऱ्यांना आर्थिक नियोजनात मोठा फायदा होणार असून, तातडीच्या गरजांसाठी निधी उपलब्ध करून घेणे सोपे होईल. ईपीएफओच्या या निर्णयामुळे कामगार वर्गात समाधानाची लाट पसरली आहे.