गोव्यातील सर्वात मोठ्या भूखंड घोटाळ्यांपैकी एक असलेल्या प्रकरणात अंमलबजावणी संचालनालयाने मोठी कारवाई केली. ईडीच्या पथकांनी गोवा आणि हैदराबादमध्ये एकाच वेळी अनेक ठिकाणी छापेमारी करुन 1200 कोटी रुपयांहून अधिक किमतीच्या सामुदायिक जमिनी (कोमुनिदाद भूखंड) बेकायदेशीरपणे हडपल्याचा घोटाळा उघडकीस आणला. या कारवाईदरम्यान अधिकाऱ्यांनी 72 लाख रुपये रोख आणि पोर्श व रेंज रोव्हरसह सात आलिशान गाड्या जप्त केल्या.