धारगळ महामार्गावर एका भरधाव कारने गायीला धडक दिल्याची घटना घडली आहे. यात गाय गंभीर जखमी झाली आहे. हा अपघात आज सकाळी घडला. मिळालेल्या माहितीनुसार, धारगळ महामार्गावरुन भरधाव वेगाने एक कार जात होती. त्याचवेळी एक गाय रस्त्यावर आली. त्यामुळे कारचालकाचे नियंत्रण सुटले आणि गायीला जोरदार धडक बसली. या धडकेत गाय रस्त्याच्या बाजूला फेकली गेली आणि तिच्या पायाला गंभीर दुखापत झाली. अपघातानंतर परिसरातील लोकांनी तात्काळ घटनास्थळी धाव घेतली आणि गायीला मदत केली.

महामार्गांवर भटक्या जनावरांमुळे अपघात होण्याच्या घटनांमध्ये वाढ झाली आहे. त्यामुळे अशा घटना रोखण्यासाठी प्रशासनाने योग्य ती पाऊले उचलावी, अशी मागणी नागरिकांनी केली आहे.