"सरकार आणि पक्ष या दोन वेगळ्या गोष्टी आहेत. एखादा लोकप्रतिनिधी आपल्या पक्षाचा नाही म्हणून त्याला बाजूला सारता येत नाही," असे रोखठोक मत भाजप प्रदेशाध्यक्ष दामू नाईक यांनी व्यक्त केले आहे. लोकशाहीत प्रत्येक निवडून आलेल्या नेत्याला समान अधिकार असल्याचे त्यांनी नमूद केले.

गेल्या विधानसभा निवडणुकीची आठवण करून देताना ते म्हणाले की, "निवडणुकीवेळी आम्ही आणि मगोप (MGP) एकमेकांचे 'दुश्मन' होतो, मात्र निवडणुकीनंतर ते आमचे युतीचे भागीदार बनले आणि त्यांना मंत्रिमंडळातही स्थान देण्यात आले." राजकीय मतभेद बाजूला ठेवून विकासासाठी एकत्र येणे आवश्यक असल्याचे संकेत त्यांनी या विधानातून दिले आहेत.