कुंकळ्ळी: मंगळवारी कुंकळ्ळीमधील एका घरात चोरी झाल्याची धक्कादायक घटना समोर आली आहे. अज्ञात चोरट्यांनी एका स्थानिक घरातून अंदाजे १५ लाख किमतीचे सोने,सामग्री आणि रोख रक्कम लांबवली आहे. याबाबत तक्रार दाखल केली असून, त्यांनी सांगितले की ही घटना १० जून रोजी घडली. अज्ञात व्यक्तींनी मुख्य दार तोडून घरात प्रवेश केला. त्यानंतर चोरट्यांनी धातूच्या कपाटातील लॉकर उघडून त्यामध्ये ठेवलेली सोन्याची दागदागिने आणि रोख रक्कम चोरून नेली. सदर कुटुंबाने घरी परतल्यानंतर घरफोडीचा प्रकार लक्षात घेतला आणि तत्काळ पोलीस स्टेशनला माहिती दिली. पोलिसांनी घटनास्थळी धाव घेत तक्रार नोंदवली असून, अधिक तपास सुरू आहे.