पोलीस कॉन्स्टेबल प्रथमश गावडे याला आत्महत्या करण्यास प्रवृत्त केल्याप्रकरणी अटकेत असलेल्या दोन्ही महिला पोलीस कॉन्स्टेबलनी आज (7 नोव्हेंबर) गुरुवारी सकाळी कोलवाळ मध्यवर्ती कारागृहात जीवन संपवण्याचा प्रयत्न केला. कारागृहाच्या पहिल्या मजल्यावरील पाण्याच्या टाकीवरून हातात हात घेऊन दोघींनी उडी मारली. सुदैवाने दोघींना मोठी इजा झाली नसून पायाला दुखापत झाली आहे. उत्तर गोवा जिल्हा इस्पितळात त्यांच्यावर उपचार सुरु आहेत.