कोडार-बेतोडा येथील नियोजित आयआयटी प्रकल्पाच्या विरोधात ग्रामस्थ एकवटले असून विरोधाची ही धार अधिक तीव्र बनत चालली आहे. रविवारी कोडार येथील बेताळ देवस्थानच्या सभागृहात झालेल्या बैठकीत ‘आयआयटी’ प्रकल्प नको, अशा भूमिकेवर ग्रामस्थ ठाम राहिले.

या बैठकीत ग्रामस्थांनी आयआयटी विरोधातील आंदोलनाची दिशा ठरवण्यासाठी सविस्तर चर्चा करण्यात आली. सर्वांना एका छत्राखाली आणण्याबरोबर कोमुनिदाद प्रशासक, बेतोडा पंचायत व इतर सर्व संबंधितांसह विरोधी पक्ष आमदारांनाही यासंदर्भात निवेदन देण्याचे ठरले.