फोंडा: एका भरधाव कारगाडीने ठोकरल्याने चार गुरे ठार होण्याची दुर्घटना घडली आहे. तिस्क - उसगाव ते मोले दरम्यानच्या महामार्गावर रविवारी पहाटे हा अपघात घडला. या भरधाव कारच्या धडकेत रस्त्यावर बसलेली चार गुरे ठार झाली. या कारगाडीने रस्त्यावर बसलेल्या गुरांना ठोकरून समोरून येणाऱ्या एका मालवाहू ट्रकला धडक दिली. या अपघातात सुदैवाने कारचालक किरकोळ जखमांवर बचावला मात्र कारगाडीचे मोठे नुकसान झाले. फोंडा पोलिसांनी पंचनामा केला.