पणजी: स्मार्ट सिटीत पुन्हा एकदा गांजाचे रोप सापडल्याने गोंधळ उडाला आहे. जुन्या उत्पादन शुल्क मुख्यालयाजवळील परिसरात हे रोप सापडले. यासंबंधीची माहिती मिळताच घटनास्थळी पोहोचून पोलिसांनी हे रोप पंचनामा करुन ताब्यात घेतले. काही दिवसांपूर्वी, काकुलो मॉल परिसरात असेच गांजाचे रोप सापडले होते. त्यानंतर अमलीपदार्थ विरोधी पथकाने पूर्ण तपास करुन ते रोप गांजाचेच असल्याचे म्हटले होते. आता पुन्हा एकदा पणजी शहरात अशीच घटना घडली आहे.