राज्यात गेल्या काही दिवसांपासून कांदोळी हत्याकांड प्रकरण चांगलेच गाजत आहे. आता या प्रकरणी कळंगुट पोलिसांनी मोठी कारवाई केली आहे. कर्नाटकातून एक संशयित ताब्यात घेण्यात पोलिसांना यश आले आहे. कर्नाटकातून ताब्यात घेतलेल्या संशयिताने पीडिताची गाडी घेऊन पळ काढला होता. एका सीसीटीव्हीत तो गाडी घेऊन जाताना स्पष्टपणे दिसला होता. या सीसीटीव्हीच्या आधारेच पोलिसांनी तपास सुरु केला होता. अखेर पोलिसांनी संशयितास कर्नाटकतातून ताब्यात घेतले. पोलिस अधिक तपास करतायेत.