चार दिवस पडलेल्‍या मुसळधार पावसाने राज्‍यातील रस्‍ताकामांच्‍या मर्यादा उघड केल्‍या आहेत. पेडणेत महामार्गावर आणि डिचोलीत चौपदरी बगलमार्गानजीक दरडी कोसळल्‍या, ज्‍यात सुदैवाने जीवितहानी टळली. तकलादूविकासकामांमुळे सामान्‍य नागरिक प्रशासनावर संताप व्‍यक्‍त करत आहेत. त्‍या पार्श्वभूमीवर आज वाठादव येथे काँग्रेसने ‘तिरडी’ आंदोलन छेडले.

वाहतुकीस धोकादायक बनलेला बगलमार्ग बंद ठेवा, अशी मागणी करण्‍यात आली. मेघश्याम राऊत यांच्‍यासह वीरेंद्र शिरोडकर, नजहीर बेग, गुरुदास हळर्णकर आदी कार्यकर्ते आंदोलनात सहभागी झाले आहेत.