गोवा हा पर्यटन, समुद्रकिनारे आणि निसर्गसौंदर्यासाठी प्रसिद्ध असला तरी येथील परंपरा आणि सण-उत्सवांची समृद्ध परंपरा देखील लक्षवेधी आहे. त्यापैकी एक प्रमुख पारंपरिक सण म्हणजे शिमगा. हा सण गोव्यातील हिंदू समाजात धूमधडाक्यानं साजरा केला जातो. तो गोव्यातील होळी उत्सवाचा एक भाग मानला जातो. शिमग्याच्या वस्तूंनी डिचोलीची बाजारपेठ फुलली आहे. गोमंतकीयही शिमग्याच्या वस्तू खरेदी करण्यासाठी हजेरी लावू लागले आहेत.