Bhatlem gas pipeline burst due to JCB
पणजी: भूमिगत मलनिस्सारण वाहिनीच्या खोदकामासाठी वापरण्यात येत असलेल्या जेसीबीचा फटका आज दोन ठिकाणी बसला. भाटले येथे श्रीराम मंदिराजवळ सुमारे १५ फूट खोल खोदकाम सुरू असताना गॅसवाहिनीला तडा गेला, तर पणजीत महापालिकेजवळ आत्माराम बोरकर मार्गावर मलनिस्सारणाची जुनी वाहिनी जेसीबीच्या धक्क्यामुळे फुटली.
भाटले येथे गॅस बाहेर पडताच बाजूला साचलेल्या पाण्याचा फवारा गॅसमुळे हवेत उडाला. गॅसवाहिनी फुटल्याचे समजताच कर्मचाऱ्यांनी इमॅजिन पणजी स्मार्ट सिटी विकास लिमिटेडच्या कर्मचाऱ्यांना ही बाब कळविली. शिवाय वाहतूक पोलिसांनी येथून जाणारी वाहतूक थांबविली. भूमिगत गॅसपुरवठा करणाऱ्या कंपनीशी संपर्क साधल्यानंतर या वाहिनीतील गॅसपुरवठा बंद करण्यात आला. सुमारे तीन तासांनंतर गॅस वाहिनीची गळती काढण्याचे काम पूर्ण झाले.
रविवारी सायंकाळी भाटले येथील श्रीराम मंदिराजवळ मलनिस्सारण वाहिनीसाठी जेसीबीच्या साह्याने खोदकाम सुरू होते. सुमारे १५ फूट खोल भूमिगत असलेल्या गॅसवाहिनीला जेसीबीचा धक्का बसला. धक्का बसताच मोठा आवाज आल्याने खड्ड्याशेजारी काम करणाऱ्या कर्मचाऱ्यांनी तेथून तत्काळ पळ काढला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.