मोले: गोव्यात अवैधपद्धतीने गोमांस तस्करी सुरुच असल्याचे आणखी एका घटनेतून समोर आले आहे. मोले तपासणी नाक्यावर सुमारे दोन टन गोमांस पोलिसांनी जप्त केले आहे. बेळगावातून गोव्यात वाहतूक केली जात असताना पोलिसांनी ही कारवाई केलीय. गोव्यात मोठ्या प्रमाणावर गोमांस तस्करी होत असल्याचा प्रकार गेल्या काही दिवसांपासून समोर येत आहे. राज्यातील गोमांस तुटवडा लक्षात घेता इतर ठिकाणांवरुन राज्यात तस्करी होत आहे.

दरम्यान, बेळगावातून गोव्यात १,८०० किलो गोमांस घेऊन येत असलेला टेम्पोची तपासणी मोले तपासणी नाक्यावर करण्यात आली. या तपासणीत पोलिसांना टेम्पोत मोठा गोमांस साठा आढळून आला. पोलिसांनी गोमांस जप्त केले असून, चालकाला अटक केली आहे.