राज्यात अपघाताचं सत्र काही केल्या थांबायचं नाव घेत नाहीये. सातत्याने अपघाताच्या घटना समोर येत आहेत. दोन दिवसांपूर्वी, म्हापसा येथून भीषण अपघाताची घटना समोर आली होती, ज्यामध्ये तीन जणांचा जागीच मृत्यू झाला होता. यातच आता, बांबोळी येथूनही अशीच अपघाताची घटना समोर आली आहे. बांबोळी येथे कंटनेर ट्रक उलटला. ड्रायव्हरचे नियंत्रण सुटल्याने हा अपघात झाल्याचे सांगितले जात आहे. अपघातामध्ये ड्रायव्हर जखमी झाला. सुदैवाने जीवीतहानी टळली. कंटनेर उलटल्याने काही काळ वाहतूक कोंडी झाली.