आसगाव घर मोडतोड प्रकरणात एक मोठी अपडेट समोर आली आहे. या प्रकरणातील मुख्य संशयित पूजा शर्माला आज न्यायालयाने मोठा झटका दिला. पणजी सत्र न्यायालयाने पूजाचा जामीन अर्ज फेटाळून लावला. दोन दिवसांपूर्वी सरकारी वकिलांनी पूजाची पोलिस कोठडीची मागणी केली होती. याचदरम्यान, आज पार पडलेल्या सुनावणीत न्यायालयाने पूजाला मोठा दणका दिला. न्यायालयाच्या या निर्णयानंतर पूजाचे वकिल सुरेंद्र देसाई यांचीही प्रतिक्रिया समोर आली. देसाई म्हणाले की, पूजाचा जामीन अर्ज का फेटाळण्यात आला हे अजून कळलेले नाही. न्यायालयाचा पूर्ण आदेश आल्यानंतरच यावर मी सविस्तर बोलू शकेन.