राज्यात गेल्या काही दिवसांपासून हणजूण येथील ध्वनी प्रदूषणाचा मुद्दा चांगलाच गाजत आहे. रात्री उशिरापर्यंत ध्वनी प्रदूषण होत असल्याच्या तक्रारी वाढत आहेत. त्‍याचीच दखल घेऊन ध्‍वनी प्रदूषणावर नियंत्रण ठेवण्‍याबरोबरच कारवाईसाठी सरकारने तीन विशेष पोलिस पथके रात्रीच्या वेळी गस्तीवर तैनात केली आहेत. हणजूण पोलिसांकडे तक्रार आल्यापासून अर्ध्या तासात कारवाई करणे बंधनकारक असेल. प्रदूषण नियंत्रण मंडळही ध्वनी प्रदूषणावर देखरेख ठेवणार आहे, अशी माहिती सरकारने मुंबई उच्च न्यायालयाच्या गोवा खंडपीठाला दिली.