म्हापसा : नागवा-हडफडे येथे ३०० किलो चिकन जप्त करून अन्न व औषध प्रशासनाच्या वतीने त्याची हडफडे येथील एका नाल्यात विल्हेवाट लावण्यात आली. हॉटेल आणि रेस्टॉरंटना पुरवठा करण्यासाठी हुबळीहून आणलेले हे अस्वच्छ स्थितीतील चिकन ‘एफडीए’ने उघड्यावरच त्याची विल्हेवाट लावली.

हे चिकन साश्वथ यादव नामक व्यक्ती हडफडे परिसरातील घाऊक दरामध्ये रेस्टॉरंट्स आणि हॉटेल्सना पुरवठा करत होता. हे युनिट अस्वच्छ वातावरणात कार्यरत होते आणि हुबळीहून आणलेल्या या चिकन बाबतीतील कोणतीही कागदपत्रे नव्हती. एफडीएच्या अधिकाऱ्यांनी राज्यात अन्न आणि औषध विक्रीत चाललेल्या गैरप्रकारावर वारंवार धाडी टाकण्याचे सत्र चालवल्याने अनेकांचे धाबे दणाणले आहे.