Vikram Gokhale Health Update: मराठी सिनेसृष्टीतील ज्येष्ठ अभिनेते विक्रम गोखले (Vikram Gokhale) यांची प्रकृती खालावली असून त्यांना पुण्याच्या दीनानाथ मंगेशकर रुग्णालयात दाखल करण्यात आलं आहे. मागील काही दिवसापासून ते रुग्णालयात दाखल आहेत. विक्रम गोखले रुग्णालयात अत्यवस्थ स्थितीत असल्याची माहिती मिळत आहे. विक्रम गोखले यांनी आजवर अनेक मालिका, नाटक अनेक हिंदी मराठी सिनेमात महत्त्वाच्या भूमिका केल्या आहेत.

विक्रम गोखले नुकत्याच प्रदर्शित झालेल्या गोदावरी या सिनेमात महत्त्वाच्या भूमिकेत होते. काही दिवसांआधी स्टार प्रवाहवरील तुझेच मी गीत गात आहे या मालिकेत दिसले होते.

दरम्यान, काही दिवसांपूर्वी प्रकृती खालावल्यानंतर त्यांना दीनानाथ मंगेशकर रुग्णालयात दाखल करण्यात आले. मात्र, अजूनही त्यांची प्रकृती चितांजनक असल्याचे एएनआय यावृत्तसंस्थेने दिलेल्या माहितीत म्हटले आहे.

ज्येष्ठ अभिनेते विक्रम गोखले यांनी मराठीसह बॉलिवूडमध्ये (Many Marathi And Bollywood Movies) देखील अनेक भूमिका केल्या आहेत. रंगभूमीवर देखील त्यांचा दबदबा होता. अभिनय क्षेत्रात विक्रम गोखले (Vikram Gokhale) यांनी आपलं वेगळं स्थान निर्माण केलं आहे.