Ravindra Peepat Passes Away: बॉलिवूड आणि पंजाबी चित्रपट लेखक आणि दिग्दर्शक रवींद्र पीपत यांचे निधन झाले. हृदयविकाराच्या झटक्याने त्यांचे निधन झाल्याची माहीती समोर आली आहे. ते काही काळ आजारी होते. मिळालेल्या माहीतीनुसार त्यांना कॅन्सर होता.

त्यांनी 'वारीस' चित्रपटाचे दिग्दर्शन केले होते. त्यात स्मिता पाटील, राज बब्बर, अमृता सिंग यांसारखे कलाकार होते. याशिवाय त्यांनी 'लावा' चित्रपट देखील दिग्दर्शित केला आहे. ज्यामध्ये डिंपल कपाडिया, आशा पारेख आणि राज बब्बर दिसले होते.

रवींद्र पीपत यांनी रणधीर कपूर, पूनम ढिल्लन स्टारर 'बीवी ओ बीवी' या चित्रपटाची पटकथाही लिहिली आहे. 'पंजाब बोल्दा' हा पंजाबी चित्रपटही त्यांनी बनवला. 2012 मध्ये त्याने नीरू बाजवासोबत 'पता नहीं रब कहदियां रंगन च राजी' दिग्दर्शित केला होता. याशिवाय 'कैद में है बुलबुल' आणि 'घर आया परदेसी' यांसारख्या चित्रपटां( Movie )साठी ते ओळखले जातात.

टीव्ही मालिकामध्ये योगदान

रवींद्र पीपत यांनी 'वंश' या टीव्ही मालिकेचे दिग्दर्शनही केले आहे. हा शो 1995 मध्ये प्रसारित झाला होता. याशिवाय त्यांनी 'काश आप हमारे होते', 'अपनी बोली अपना देश'ही लेखन केले होते. लेखन आणि दिग्दर्शनात त्यांचे नाव मोठे होते.

रवींद्र पीपत यांनी 2009 मध्ये पंजाबी इंडस्ट्रीत प्रवेश केला. त्यांनी तिथे स्वतःचे नाव कमावले होते. त्यांच्या जाण्याने मनोरंजन सृष्टीत हळहळ व्यक्त केली जात आहे.