Urmila Matondkar: उर्मिला मातोंडकर ही बॉलीवूडमधील एक नावाजलेली अभिनेत्री आहे. नुकतीच तिच्या सत्या या चित्रपटाला 25 वर्षे पूर्ण झाली आहेत. गेल्या काही काळापासून उर्मिला चित्रपटसृष्टीपासून दूर असली तरीही ती नेहमीच चर्चेत राहणारी अभिनेत्री आहे.

सत्या चित्रपटाला 25वर्षे पूर्ण झाल्यानंतर त्या दिवसांना आठवत उर्मिलाने आपली नाराजी व्यक्त केली आहे. फेवरीटीझम आणि भाऊबंधकी यावर आपले मत व्यक्त केले आहे. या जबरदस्त चित्रपटाला कोणताही पुरस्कार न मिळाल्याबद्दल त्यांनी आपली नाराजी व्यक्त केली आहे.

मनोज बाजपेयी, परेश रावल, शेफाली शाहसह आणि काही दिग्गज कलाकारांनी या चित्रपटात काम केले होते. इतकेच नाही प्रेक्षकांच्या मोठ्या प्रतिसादासहित बॉलीवूडमध्येही सत्याचे मोठे कौतुक झाले होते.

1998 मध्ये प्रदर्शित झालेल्या राम गोपाल वर्मा यांच्या सत्या चित्रपटात उर्मिला मातोंडकार यांनी विद्याची भूमिका निभावली होती. आपल्या भूमिकेशी निगडीत उर्मिलाने काही फोटो शेअर करत नेपोटिझमवर तिखट भाषेत भाष्य केले आहे.

फोटो शेअर करत ती म्हणते- सत्या ला 25वर्षे पूर्ण झाले. त्यावेळी ग्लॅमरस करिअरच्या शिखरावर असतानादेखील मी या चित्रपटात एका साध्याभोळ्या विद्याची भूमिका निभावली होती. पण या इतक्या दमदार चित्रपटाला एकही पुरस्कार मिळाला नाही.

पुरस्कार दूरची गोष्ट आहे मात्र साधे नॉमिनेशनदेखील नाही मिळाले. त्यामुळे शांत राहा आणि माझ्याशी नेपोटिजमबद्दल काहीही बोलू नका.

दरम्यान, उर्मिला मातोंडकरने सत्या', 'कौन' आणि 'एक हसीना थी' या चित्रपटात हटके भूमिकांतून आपली वेगळी ओळख निर्माण केली होती. आता तिने शेअर केलेल्या पोस्टमधून ती नेपोटिझमच्या मुद्द्यावर नाराज असल्याचे दिसून येत आहे.