'द कश्मीर फाइल्स'च्या (The Kashmir Files) वादादरम्यान दिग्दर्शक विवेक अग्निहोत्री (Vivek Agnihotri) यांनी मोठे वक्तव्य केले आहे. विवेक अग्निहोत्री यांनी ट्वीट करत 'द कश्मीर फाइल्स अनरिपोर्टेड' (The Kashmir Files Unreported) बनवणार असल्याची माहिती दिली आहे. 

53 वा भारतीय आंतरराष्ट्रीय चित्रपट महोत्सव (IFFI) नुकताच गोव्यात (Goa) पार पडला. दरम्यान नदाव लॅपिड (Nadav Lapid) यांनी 'द कश्मीर फाइल्स' वर वादग्रस्त वक्तव्य केले. ते म्हणाले, "द कश्मीर फाइल्स' या चित्रपटाचा 'इफ्फी' सारख्या महोत्सवात समावेश होणं ही धक्कादायक बाब आहे. तसेच हा चित्रपट प्रपोगंडा आणि वल्गर चित्रपट आहे"

'द कश्मीर फाइल्स' (The Kashmir Files) हा चित्रपटांचा नव्व्दच्या दशकात काश्मीर खोऱ्यातील पंडितांच्या हत्येच्या आणि अमानुष अत्याचारांच्या घटणांचे वर्णन करणारा आहे. विवेक अग्निहोत्री यांनी या चित्रपटाच्या दिग्दर्शनाची धुरा सांभाळली आहे. आता 'द कश्मीर फाइल्स'च्या वादादरम्यान विवेक अग्निहोत्री यांनी द कश्मीर फाइल्स'चा पुढचा भाग 'द कश्मीर फाइल्स अनरिपोर्टेड' बनवणार असल्याची घोषणा केली आहे.

सध्या याबाबत फारशी माहिती समोर आलेली नाही. पण वादाच्या भोवऱ्यात सापडलेल्या विवेकच्या घोषणेवरून तो काहीतरी मोठे काम करणार असल्याचे स्पष्ट झाले आहे. अशा स्थितीत आता याबाबत आणखी काही माहिती समोर येते का, हे पाहावे लागेल.

• 'द काश्मीर फाइल्स' सुपरहिट ठरला होता
  'द काश्मीर फाइल्स' यावर्षी 11 मार्च रोजी रिलीज झाला होता. रिलीज झाल्यानंतर या चित्रपटाला विरोधालाही सामोरे जावे लागले, त्यासोबतच या चित्रपटाला लोकांचा उदंड प्रतिसादही मिळाला. हा चित्रपट 250 कोटींहून अधिक कमाई करत सुपरहिट ठरला होता. त्याचबरोबर 'द काश्मीर फाइल्स - अनरिपोर्टेड' काय कथा घेऊन येते हेही पाहावे लागेल.