गोव्यात (Goa) पार पडलेल्या इफ्फी महोत्सवाच्या समारोपात ज्युरी लॅपिड यांनी विवेक अग्निहोत्री दिग्दर्शित काश्मीर फाइल्स वर वादग्रस्त विधान केले होते. त्यामुळे पुन्हा एकदा हा चित्रपट चर्चेत आला आहे. या वादग्रस्त विधानावर अनेक सिनेकलाकारांनी तीव्र प्रतिक्रिया सोशल मिडियावर दिल्या होत्या. पण लॅपिड यांना आणखी तीन ज्युरींनी पाठिंबा दिला आहे.

शनिवारी त्यांनी ट्विट करत म्हटले की, इफ्फीचे परीक्षक मंडळाचे अध्यक्ष लॅपिड यांनी समारोप समारंभात बोलताना काश्मीर फाइल्स हा प्रोपगंडा असल्याचे मत हे परीक्षक मंडळाचे मत म्हणून मांडले होते. इफ्फीत दाखविलेला काश्मीर फाईल्स (The Kashmir Files) हा प्रोपगंडा चित्रपट पाहून आम्हाला धक्का बसला. या महोत्सवात त्याचा समावेश अयोग्य होता.

मी आणि अन्य दोघेजण लापिड यांच्या मताशी सहमत आहोत. आमचे हे मत म्हणजे या चित्रपटात जे दाखविले आहे, त्यावरील राजकीय मत नाही, तर केवळ कलात्मक दृष्टिकोनातून मांडलेला विचार आहे. चित्रपट महोत्सवाच्या व्यासपीठाचा वापर राजकारणासाठी होणे आणि त्यानंतर नादाव यांच्यावर वैयक्तिक टीका करणे हे दु:खद आहे. आम्हा परीक्षकांचा तसा उद्देश नव्हता.

इफ्फीचे ज्युरी फ्रान्सचे चित्रपट निर्माते- पत्रकार जाव्हीर ॲन्ग्युलो बार्तुरेन आणि फ्रेंच चित्रपट संकलक पास्कल चाव्हान्स यांनीही आपण लॅपिड यांच्याशी सहमत असल्याचे स्पष्ट केले आहे.