बॉलिवूडमधील अभिनेता शाहरुख खानने (Shah Rukh Khan) 25 जून 1992 रोजी दीवाना (Deewana) चित्रपटातून बॉलिवूडमध्ये पदार्पण केले. या चित्रपटात शाहरुखबरोबर ऋषि कपूर (Rishi Kapoor) आणि दिव्या भारती (Divya Bharti) मुख्य भूमिकेत होते. टीव्हीमध्ये आपली प्रतिभा दाखविल्यानंतर शाहरुखने या चित्रपटांमध्ये पाऊल ठेवले. रोमांटिक ड्रामा हा चित्रपट सुपरहिट झाला होता. या चित्रपटानंतर शाहरुखने केलेले अद्भुत काम आजपर्यंत सुरू आहे. शाहरुखला आज बॉलिवूडचा बादशहा म्हटले जाते. बॉलिवूडमध्ये 30 वर्षे पूर्ण झाल्यानंतर आता शाहरुखने आपल्या चाहत्यांसाठी एक खास संदेश लिहिला आहे.
शाहरुखने लिहिले की, 'मला तुमचे प्रेम 30 वर्षांपासून मिळत आहे आणि आजही तुमचे प्रेम अबाधित आहे. माझ्या आयुष्याच्या अर्ध्याहून अधिक काळ मी तुमचे सर्वांचे मनोरंजन केले आहे. मी तुम्हाला काही प्रेम देणार आहे. तुमच्या सर्वांचे आभार, याची खूप गरज होती. असे शाहरुखने ट्विट केले आहे.
शाहरुख खान अखेर वर्ष 2018 मध्ये झिरो चित्रपटात दिसला होता. या चित्रपटात शाहरुखसोबत अनुष्का शर्मा (Anushka Sharma) आणि कतरिना कैफ (Katrina Kaif) मुख्य भूमिकेत होते. जरी हा चित्रपट बॉक्स ऑफिसवर फ्लॉप ठरला होता.यानंतर शाहरुखने ब्रेक घेतला. आता शाहरुख पठाण (Pathan) या चित्रपटात दिसणार आहे.
शाहरुख लवकरच पठाणमधून आपला पहिला लूक शेअर करणार आहे. या चित्रपटामध्ये शाहरुखसोबत दीपिका पादुकोण (Deepika Padukone) आणि जॉन अब्राहम (John Abraham) दिसणार आहेत. शाहरुखला बर्‍याच दिवसांपासून मोठ्या पडद्यावर पाहण्यासाठी चाहते खूप उत्सुक आहेत.शाहरुखची जॉनबरोबर टक्कर होणार आहे कारण जॉन त्यात खलनायकाच्या भूमिकेत दिसणार आहे.
जॉन आणि शाहरुख या सिनेमाद्वारे पहिल्यांदाच एकत्र काम करणार आहेत. त्याचबरोबर दीपिका आणि शाहरुखने यापूर्वीही काम केले आहे. तसेच या चित्रपटात सलमान खानचा एक कॅमिओ देखील असणार आहे.
पठाणचे शूटिंग यापूर्वी सुरू झाले होते, पण लॉकडाऊन (lockdown) आणि कोविडच्या (covid 19) वाढत्या रुग्णसंख्येमुळे शूटिंग थांबविण्यात आली. पण आता अशी बातमी येत आहे की लवकरच शाहरुख चित्रपटाचे शूटिंग सुरू करणार आहे. मीडिया रिपोर्टनुसार, चित्रपटाची टीम बायो बबलमध्ये शूट करणार आहे आणि केवळ त्या लोकांनाच चित्रपटाच्या सेट्सवर लस देण्यात आली आहे. दहा दिवसांच्या वेळापत्रकांचे शूटिंग मुंबईत होणार आहे. अद्याप चित्रपटाच्या आंतरराष्ट्रीय वेळापत्रकांविषयी माहिती नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.