बॉलिवूडमधील चर्चेत असलेली जोडी कियारा अडवाणी आणि सिद्धार्थ मल्होत्रा यांच्या लग्नाच्या बातम्यांना चांगलेच उधाण आले आहे. बॉलिवूडमध्येही ही जोडी सतत चर्चेत असते. दोघेही अनेक दिवसांपासून एकमेकांना डेट करत आहेत. बॉलिवूडच्या स्टायलिस्ट कपल्सपैकी एक म्हणून सिद्धार्थ-कियाराचे नाव घेतले जाते. आता पुन्हा एकदा सिद्धार्थ आणि कियाराच्या लग्नाची चर्चा सुरू झाली आहे. नव्या वर्षात दोघे लग्नबंधनात अडकणार असल्याचे म्हटले जात आहे.

शेरशाह या चित्रपटामध्ये (Movie) सिद्धार्थ आणि कियाराने एकत्र काम केले. या चित्रपटाच्या सेटवरच दोघांची लव्हस्टोरी सुरु झाली. मीडिया रिपोर्ट नुसार सिद्धार्थ आणि कियारा यांनी त्यांच्या लग्नाची पूर्ण तयारी केली आहे. नव्या वर्षात ही जोडी आपल्या नव्या आयुष्याला सुरुवात करणार आहे. दरम्यान नुकतेच दोघे मनीष मल्होत्राच्या घरीही दिसले होते. त्यानंतर त्यांच्या लग्नाच्या बातम्यांना आणखीनच हवा मिळाली आहे.

पण आतापर्यंत सिद्धार्थ आणि कियाराने लग्नाच्या चर्चांबाबत मौन बाळगले आहे. सध्या हे कपल नवीन वर्षाच्या सेलिब्रेशनसाठी बाहेर गेले आहे. मीडिया रिपोर्टनुसार सिद्धार्थ आणि कियारा फेब्रुवारीच्या पहिल्या आठवड्यात लग्नबंधनात अडकणार आहे. या जोडप्याचे प्री-वेडिंग सोहळे 4 आणि 5 फेब्रुवारीला होणार आहे. 6 फेब्रुवारीला ते लग्नबंधनात अडकणार आहेत. मेहेंदी, हळद आणि संगीता या सगळ्या कार्यक्रमांसाठी दोघांचे कुटुंबीय आणि जवळचे मित्र उपस्थित राहणार आहेत.

कियारा आणि सिद्धार्थने आपल्या लग्नसोहळ्यासाठी राजस्थानमधील जैसलमेर पॅलेस येथे करणार आहे. सिद्धार्थ आणि कियाराचे लग्न खूप भव्यदिव्य असणार आहे. यासाठी सुरक्षेचा कडक बंदोबस्त ठेवण्यात आला आहे. या लग्नात अनेक बॉलिवूड (Bollywood) स्टार्स सहभागी होणार असून, हे लग्न खाजगी ठेवण्याचा प्रयत्न केला जाणार असल्याचे बोलले जात आहे. या सोहळ्याच्या सुरक्षेच्या नियोजनासाठी सिक्युरिटी टीम 3 फेब्रुवारीलाच जैसलमेरला पोहोचणार आहे.