फादर्स डे 2022 च्या निमित्ताने, बॉलीवूड सेलिब्रिटी त्यांच्या वडिलांची आठवण करतात आणि त्यांच्यासाठी भावनिक पोस्ट एका खास पद्धतीने शेअर करतात. यानिमित्ताने अमिताभ बच्चन आणि मुलगी श्वेता बच्चन यांचा एक फोटोही समोर आला आहे ज्यामध्ये दोघेही खूप आनंदी दिसत आहेत.

फादर्स डेच्या निमित्ताने स्वतः श्वेता बच्चनने (Shweta Bachchan) तिच्या वडिलांसोबतचा एक फोटो इंस्टाग्रामवर शेअर केला आहे. यामध्ये दोघेही एकत्र बसून आनंदाने हसताना दिसत आहेत. अमिताभ बच्चन (Amitabh Bachchan) आपल्या मुलीच्या खांद्यावर डोके ठेउन असुन श्वेता सेल्फी काढताना दिसत आहे. हा सुंदर फोटो शेअर करताना श्वेताने तिच्या वडिलांच्या चित्रपटातील एक प्रसिद्ध आयकॉनिक डायलॉगपुन्हा तयार केला आहे. कॅप्शनमध्ये तिने लिहिले, 'रिश्ते में सिर्फ मेरे.....लगते हैं'.

यासोबत तिने 'फादर्स डे' आणि 'गर्ल डॅड' असे हॅशटॅग वापरले आहेत. सोशल मीडियावर या फोटोला खूप पसंती मिळाली आहे. चाहते दोघांच्या बाँडिंगचे कौतुक करत आहेत. बिग बीने आपल्या चित्रपटांतून (Movie) ज्याप्रकारे स्वत:चे स्थान निर्माण केले आहे त्याचप्रमाणे ते आपल्या कुटुंबाच्या पाठीशी खंबीरपणे उभे आहेत. विशेषत: त्याची मुलगी श्वेतासोबतची त्याची बाँडिंग खूप खास आहे.

अमिताभ बच्चन लवकरच रणबीर कपूर आणि आलिया भट्ट स्टारर 'ब्रह्मास्त्र' या चित्रपटात दिसणार आहे. यासोबतच ते रश्मिका मंदान्ना आणि नीना गुप्तासोबत 'गुड बाय' आणि दीपिका पदुकोणसोबत 'द इंटर्न' या चित्रपटातही दिसणार आहे.