Shraddha Kapoor: बॉलीवूडचे कलाकार हे नेहमीच कोणत्या ना कोणत्या कारणाने नेहमीच चर्चेत असतात. कधी त्यांच्या चित्रपटांमुळे कधी त्यांच्या वक्तव्यांमुळे तर कधी त्यांच्या सोशल मिडियावरील शेअर केलेल्या पोस्टमुळे हे कलाकार चर्चांचा भाग बनतात. आता बॉलीवूडची लोकप्रिय अभिनेत्री श्रद्धा कपूर ही तिच्या एका फोटोमुळे चर्चेत आली आहे.

श्रद्धाने आपल्या इंस्टाग्राम अकाऊंटवर एक फोटो शेअर केला आहे आणि 'अच्छी लग रही हूं, शादी कर लूं???' अर्थात मी सुंदर दिसत आहे, लग्न करु? अशा आशयाचे कॅप्शन दिले आहे. यानंतर सोशल मिडियावर श्रद्धा लग्न कधी करणार, कोणासोबत करणार अशा आशयाच्या कंमेटचा पूर येताना दिसत आहे. श्रद्धा या फोटोमध्ये अत्यंत सुंदर दिसत आहे.

दरम्यान गेल्या काही दिवसापासून तू झूठी मै मक्कार या चित्रपटाच्या लेखकाबरोबर डेट करत असल्याच्या चर्चा मोठ्या प्रमाणात होताना दिसत आहे. राहुल मोदी आणि श्रद्धा रिलेशनशिपमध्ये असल्याचेही म्हटले जात आहे. ते दोघे एकत्र अनेकदा स्पॉट झाले आहेत.

याआधीदेखील प्रसिद्ध फोटोग्राफर रोहन श्रेष्ठ ला डेट करत असल्याच्या चर्चा होत्या. या दोघांनी एकमेकांना ४ ते ५ वर्षे डेट केल्याचे म्हटले जाते. मात्र २०२१ ला यांनी ब्रेकअप केले. त्यांनी आशिकी-२ फेम आदित्य रॉय कपूर यालादेखील डेट करत असल्याच्या चर्चा होत्या. मात्र अभिनेत्रीने कधीही आपण रोहन आणि आदित्यला डेट केल्याचे उघडपणे सांगितले नाही. आता राहुल मोदीबरोबरच्या नात्यासंबंधीच्या चर्चा खऱ्या आहेत की अफवा हे आता येणारा काळच ठरवेल असे म्हटले जात आहे.