शाहरुख खान सध्या त्याच्या चित्रपटांमुळे खूप चर्चेत आहे. यासोबतच आता किंग खान आणखी एका गोष्टीमुळे चर्चेत आला आहे. शाहरुख खान आता महिला क्रिकेट संघाचा मालक बनला आहे. एप्रिलमध्ये ग्रेटर लॉस एंजेलिसमध्ये जागतिक दर्जाचे स्टेडियम तयार करण्यासाठी त्याचा क्रिकेट संघ आणि यूएसए MLC T20 पुढे येईल, अशी घोषणा किंग खानने केली आहे. त्यानंतर, या वर्षी होणाऱ्या महिला कॅरेबियन प्रीमियर लीग (WCPL) च्या उद्घाटनात नवीन महिला संघ सहभागी होणार आहे, असल्याचेही शाहरूखने सांगितले. (Shah Rukh Khan Cricket Team)

शाहरुख खानची पोस्ट

सुपरस्टारने म्हटले आहे की, 30 ऑगस्टपासून सुरू होणार्‍या WCPL मध्ये महिला संघाचा थेट सामना पाहण्यासाठी तो उत्सुक आहे. ट्विटरवर आपला उत्साह शेअर करताना त्याने लिहिले, '@KKRiders @ADKRiders वर आपल्या सर्वांसाठी आणि अर्थातच @TKRiders वरील लोकांच्या सुंदर सेटसाठी हा आनंदाचा क्षण आहे. आशा आहे की मी हा सामना थेट पाहण्यासाठी तिथे पोहोचू शकेन!!'

शाहरुख खानचे चित्रपट

दरम्यान, शाहरुख खान दीपिका पदुकोण आणि जॉन अब्राहमसह सिद्धार्थ आनंदच्या अॅक्शन फ्लिक 'पठाण'मधून पुनरागमन करण्यासाठी सज्ज आहे. तो नयनतारा आणि सान्या मल्होत्रासोबत अॅटलीच्या 'जवान' मध्येही दिसणार आहे. त्याचबरोबर राजकुमार हिरानी यांचा 'डंकी' देखील रिलीजसाठी तयार आहे.