53rd Edition Of Iffi In Goa: पणजी, गोवा येथे 20 नोव्हेंबरपासून भारतीय आंतरराष्ट्रीय चित्रपट महोत्सव (इफ्फी) सुरू होत आहे. इफ्फीत 79 देशांतील 280 हून अधिक चित्रपट दाखवले जाणार आहेत. तर, इफ्फीदरम्यान 118 आंतरराष्ट्रीय आणि 221 भारतीय चित्रपट कलाकार उपस्थित राहणार आहेत. सिनेकलाकार अजय देवगण देखील या महोत्सवासाठी उपस्थित राहणार असून, त्याने आपल्या चाहत्यांसाठी अजून एक खास गिफ्ट देणार असल्याचे सांगितले आहे.

अजय देवगणच्या गाजलेल्या दृश्यम या चित्रपटाचा दुसरा भाग लवकरच प्रेक्षकांच्या भेटीला येणार आहे. क्राईम आणि त्याभोवती फिरणारा सस्पेन्स अशी या सिनेमाची कथा आहे. दृश्यमचा पहिला भागाला प्रेक्षकांची खूप प्रिसिद्धी मिळाली होती. त्याचाच पुढचा भाग आता प्रदर्शनाला सज्ज झाला आहे. या भागात देखील पहिल्या भागासारखाच सस्पेन्स पाहायला मिळणार आहे. तसेच, संपूर्ण कथानक पणजी, गोवा भोवती फिरणारे असल्याने या चित्रपटाचे गोव्याशी खास कनेक्शन आहे.

अजय देवगणने नुकतेच दृश्यम-2 या चित्रपटाचा प्रीमियर गोव्यात होणाऱ्या भारतीय आंतरराष्ट्रीय चित्रपट महोत्सवात प्रदर्शित केला जाणार आहे. तसेच, या चित्रपटाच्या प्रीमियरसाठी तो स्वत: उपस्थित राहणार असल्याची त्याने माहिती दिली आहे. "दृश्यम-2 यावर्षाचा बहूप्रतिक्षित चित्रपट आहे, तुम्ही सर्वजण या चित्रपटाची आतुरतेने वाट पाहत आहात. दृश्यम-2 इफ्फीत प्रीमियर होणार असून, आपण सर्वजण सोबत हा चित्रपट पाहू, भेटूया गोव्यात." असे अजय देवगणने म्हटले आहे.

दरम्यान, इफ्फीसाठी अजय देवगण शिवाय सुनील शेट्टी, वरुण धवन, क्रिती सानोन, प्रभूदेवा, मनोज वाजपेयी, नवाजुद्दीन सिद्दीकी, शेखर कपूर, राणा डगुबत्ती, मणिरत्नम, ए आर रेहमान, पंकज त्रिपाठी, परेश रावल, अक्षय खन्ना, कलकी कोचलेन, यामी गौतमी, दीनेश विजन, इलियाना डिक्रूज, आर. बाल्की, अनुपम खेर यांची उपस्थिती निश्चित झाली आहे. याशिवाय 118 आंतरराष्ट्रीय आणि 221 भारतीय चित्रपट कलाकार उपस्थित राहणार आहेत.