टायगर 3 या बहुप्रतिक्षित चित्रपटाच्या सेटवरून शाहरुख खान आणि सलमान खानचा व्हिडिओ सोशल मीडियावर व्हायरल झाला आहे. टायगर 3 च्या सेटवर अॅक्शन सीनसाठी जाताना हा व्हिडीओ व्हायरल झाला आहे.

सलमान खान आणि शाहरुख खानचा लूक पाहून चाहत्यांमध्ये चित्रपटाबद्दलची उत्सुकता दुप्पट झाली आहे. सलमान खानच्या स्पाय थ्रिलर चित्रपटात शाहरुख खान कॅमिओ करणार आहे. पठाणमध्ये ज्या प्रकारे सलमान खानची भूमिका दिसली होती, त्याचप्रकारे शाहरुख खान टायगर 3 मध्ये पाहायला मिळणार आहे. 

सलमानसोबत शाहरुख पठाण लूकमध्ये

टायगर 3 च्या सेटवरील व्हायरल व्हिडिओमध्ये प्रथम सलमान खान आणि नंतर शाहरुख खान दिसत आहेत. या व्हायरल व्हिडीओमध्ये लांब केस आणि हलकी दाढी असलेला शाहरुख खान पठाण लूकमध्ये दिसत आहे. 

साहजिकच पठाण आपल्याला केलेल्या मदतीची परतफेड करण्यासाठी टायगरच्या मदतीला आला आहे. शाहरुख खानची या चित्रपटातली उपस्थिती या चित्रपटाकडे सलमान आणि शाहरुख दोघांच्या चाहत्यांना खेचणार यात शंका नाही.

व्हायरल व्हिडीओमध्ये सलमानसोबत शाहरुख

शाहरुख खान तपकिरी रंगाचा टी-शर्ट आणि काळ्या रंगाच्या कार्गो पॅन्टमध्ये दिसत असून त्याच्या चेहऱ्यावर असलेल्या दुखापतीची एक झलक या व्हिडिओमध्ये दिसत आहे. 

दुसरीकडे, सलमान खान तपकिरी रंगाचा टी-शर्ट आणि काळी पँट घालून दबंग स्टाईलमध्ये चालताना दिसत आहे. सलमान खान आणि शाहरुख खानचा हा व्हिडिओ (Salman -Shahrukh Viral Video) नीली खान नावाच्या इन्स्टाग्राम अकाउंटवरून पोस्ट करण्यात आला आहे. 

टायगर 3 कधी रिलीज होणार?

सलमान खान आणि कतरिना कैफ मुव्हीजचा स्पाय थ्रिलर चित्रपट टायगर 3 2023 मध्ये दिवाळीला प्रदर्शित होण्याची शक्यता आहे. मात्र, या चित्रपटाच्या प्रदर्शनाच्या तारखेबाबत अधिकृत वक्तव्य अद्याप समोर आलेले नाही. 

मिळालेल्या माहितीनुसार, टायगर 3 हिंदी सोबतच तमिळ, तेलुगूमध्येही रिलीज होणार आहे. यशराज बॅनरखाली बनत असलेल्या टायगर फ्रँचायझीच्या या चित्रपटाबाबत चाहत्यांमध्ये प्रचंड उत्सुकता पाहायला मिळत आहे. 

'टायगर'वर्सेस 'पठाण'

या नव्या प्रोजेक्टबद्दल बोलताना, एका अनुभवी ट्रेड सोर्सने सांगितले की, "आदित्य चोप्राचा सिद्धार्थ आनंद दिग्दर्शित 'टायगर विरुद्ध पठाण' याआधी कधीही न पाहिलेला भव्य व्हिज्युअल अनुभव देण्यासाठी प्रचंड सज्ज असणार आहे.

या चित्रपटात शाहरुख आणि सलमान खान 'करण अर्जुन' आणि सिद्धार्थ नंतरच्या त्यांच्या पहिल्या पूर्ण चित्रपटासाठी एकत्र येत आहे आणि त्यांना 'टायगर विरुद्ध पठाण' हा भारतातील आतापर्यंतचा सर्वात मोठा चित्रपट म्हणून माउंट करण्यासाठी आवश्यक ते सगळं करण्याची तयारी केली असल्याचं बोललं जात आहे.