Bigg Boss Ott 2: सध्या सोशल मिडीयावर सलमान खान आणि एल्विश यादव यांच्यातल्या बिग बॉसमधल्या तणावाची जोरदार चर्चा सुरू आहे. 'बिग बॉस ओटीटी 2' सध्या खुपच चर्चेत आलं आहे. आता काहीच स्पर्धक या शोमध्ये उरले आहेत.

त्यात वाईल्ड कार्ड एंट्रीत घरात आलेला एल्विश यादव सगळ्या घराला त्याच्या बोटावर नाचवत आहे. त्याने घरात येताच घराचा ताबा मिळवला आणि चाहत्यांच्या मनात जागा निर्माण केली. तो घरात येताच बाकिच्या स्पर्धकांच्या लोकप्रियतेत खुपच घट झाली.

शोमध्ये एल्विशची चर्चा

मात्र तो शोमध्ये त्याच्या बोलण्याने आणि वागण्यामुळे प्रेक्षकांची मन जिंकत असतांना काहीवेळा भानही सोडतो. असं काहीस त्याचं आणि बेबिकासोबत भांडण झाल्यावर घडलं. त्यानंतर 'विकेंड का वार' मध्ये सलमानने त्याचा चांगलाच क्लास घेतला.

सलमान शो होस्ट करत असल्याने त्याने मागच्या काही क्लिप दाखवल्या आणि त्यानंतर एल्विश आणि अभिषेकला चांगलचं फटकारलं आहे. सलमानने यावेळी एल्विश आर्मीवरही निशाणा साधला होता.

एल्विशच्या चाहत्यांनी सलमानला केलं ट्रोल

मात्र एल्विशला रागावणं भाईजानला चांगलचं महागात पडल्याचं दिसत आहे. 'विकेंड का वार' संपल्यानंतर ट्विटरवर सलमान ट्रेडिंग करु लागला. एल्विशचे चाहते त्याला खुपच ट्रोल करु लागले.

तर दुसऱ्याच दिवशी सलमान खानच्या इन्स्टाग्राम अकाउंटवर त्याच्या फॉलोअर्समध्ये मोठी घट झाल्याचं चित्र दिसत आहे. सलमानच्या इंस्टावर 66.8 मिलियन फॉलोअर्स होते, परंतु एल्विश यादवसोबत झालेल्या वादानंतर त्याचे फॉलोअर्स थेट 63.7 दशलक्षांवर आला आहे. त्याचबरोबर त्याला सातत्याने सलमानला ट्रोलही केलं जात आहे.

स्क्रीनशॉट व्हायरल

त्यातच एक स्क्रीनशॉट देखील व्हायरल होत आहे जो सलमानचा शत्रू गोल्डी ब्रारच्या ट्विटचा असल्याच्या चर्चा आहे. यामध्ये सलमाननं एल्विशला रागावल्याबद्दल गोल्डी याचा बदला घेणार असल्याचं सांगितलं.

मात्र हे ट्विट त्याचं असल्याची अधिकृत असल्याची माहिती नाही. एल्विशच्या चाहत्यांनी त्यालाच बिग बॉस ओटीटीच्या दुसऱ्या सिझनचा विजेता घोषित केलं आहे.