बॉलिवूड अभिनेत्री आलिया भट्टने एसएस राजामौली (S. S. Rajamouli) यांच्या 'आरआरआर' (RRR) चित्रपटात काम केले आहे. राजामौली आणि आलिया भविष्यात पुन्हा एकत्र काम करणार का? असा प्रश्न तिचे चाहते विचारात आहेत. (S. S. Rajamouli and Alia Bhatt may work together in future)

आलियाबद्दल काय म्हणाले राजामौली?
राजामौली यांनी एका मुलाखतीत अभिनेत्रीसोबत पुन्हा काम करण्याची इच्छा व्यक्त केली आहे. बॉलिवूड हंगामासोबतच्या संवादात राजामौली म्हणाले, मला आलिया खूप आवडते. मी तिच्यासोबत पुन्हा काम करण्यास उत्सुक आहे. मला खात्री आहे की आलियालाही माझ्यासोबत पुन्हा काम करायला आवडेल. अभिनेता आणि दिग्दर्शक (Director) म्हणून आम्ही दोघे एकमेकांशी जोडले गेलो आहे.

"आम्हा दोघांना आधीच माहित होते की आलिया भट्टची चित्रपटातील भूमिका छोटी असेल. पण दोन शक्तींना एकत्र आणणारी ही भूमिका खूप महत्त्वाची असेल. हेच मी आलियाला सांगितले आणि तिने या चित्रपटाचा भाग होण्यासाठी मनापासून होकार दिला. हे आम्हाला आधीच माहीत होते. आम्ही एकत्र काम करून खूप आनंदी आहोत. मला आलियासोबत पुन्हा काम करायला आवडेल," असे राजामौली म्हणाले.