Ranveer Singh: बॉलीवूडची प्रसिद्ध अभिनेत्यांपैकी एक म्हणजे रणवीर सिंग आणि लाडकी अभिनेत्री आलिया भट्ट आपल्या नवीन चित्रपटातून प्रेक्षकांचे मनोरंजन करण्यासाठी सज्ज झाले आहेत. त्यांच्या रॉकी और रानी की प्रेम कहानी या चित्रपटाचा टीझर आऊट झाला आहे.

काही सेंकदाच्या या टिझरनेन चाहते हा चित्रपट रिलिज होण्याची वाट पाहत आहेत. या टीझरमध्ये रणवीर- आलियाच्या प्रेमापासून ते अॅक्शन सीनपर्यत आणि शेवटी आलिया वधूच्या वेषात दिसून येत आहे. याबरोबरच चित्रपटाचा भव्य सेट पाहून प्रेक्षकांमध्ये चित्रपटाबाबतची उत्सुकता ताणली गेली आहे.

रणवीर आणि आलिया या दोघांमधील केमिस्ट्री जबरदस्त दिसत असून चित्रपटाची कहानीदेखील तितकच रोमांचक असेल अशी अपेक्षा चाहते करत आहेत. करण जौहर, रणवीर सिंग आणि आलिया भट्ट यांनी ही टीझर सोशल मिडियावर शेअर केला आहे.

टीझर आऊट होण्याआधीच या तीघांनी टीझरची डेटची घोषणा केली होती. आम्ही लवकरच प्रेमाच्या सीझनमध्ये प्रवेश करत आहोत, उद्या रॉकी और रजनी की प्रेम कहानी या चित्रपटाचा टीझर आऊट होईल आणि 28 जुलैला थिएटरमध्ये चित्रपट रिलिज होणार असल्याची माहीती त्यांनी काल सोशल मिडियावर दिली होती.

करण जौहर दिग्दर्शित या चित्रपटाचा टीझर काही मिनिटातच व्हायरल झाला आहे. या चित्रपटात आलिया भट्ट आणि रणवीर सिंग यांच्याशिवाय धर्मेंद्र, जया बच्चन, शबाना आजमी, रोनित रॉय, अर्जुन बिजलानी, भारती सिंह आणि हर्ष लिंबाचिया दिसून येणार आहेत. आता हा चित्रपट प्रेक्षकांचे मन जिंकून घेणार का ? हे पाहणे महत्वाचे ठरणार आहे.