Dipika Chikhlia: आदिपुरुष रिलिज झाल्यापासून चित्रपटावर टीका होत असतानाच आता त्याची तुलना रामानंद सागर निर्मित रामायण मालिकेबरोबर होत आहेत. भलेही रामायण ही मालिका ऑफ एअर होऊन अनेक वर्षे झाली आहेत. मात्र आजही चाहते या मालिकेतील पात्रांना रामसीतेचा दर्जा देतात.
मालिकेत रामसीतेची भूमिका साकारणाऱ्या अरुण गोव्हील आणि दीपीका चिखलीया याबाबतचे आपले वेगवेगळे अनुभव आपल्या चाहत्यांसोबत शेअर करत असतात. आता आदिपुरुषचा वाद सुरु असतानाच दीपीका चिखलीया यांनी सोशल मिडियावर एक व्हिडिओ शेअर केला आहे.
काही सेंकदाचा हा व्हिडिओ सोशल मिडियावर धुमाकुळ घालताना दिसत आहे. दीपीका चिखलीया यांनी सीतेच्या लूकमधील व्हिडिओ सोशल मिडियावर शेअर करत म्हटले आहे की, हा व्हिडिओ चाहत्यांनी केलेल्या डिमांडनंतर तयार केला आहे.
मी जी भूमिका निभावली त्यासाठी मला आजपर्यत जे प्रेम मिळत आलं आहे त्यासाठी मी स्वत:ला भाग्यशाली मानते. मला यापेक्षा जास्त काही नको असंही त्यांनी दीपीका चिखलीया म्हटले आहे. त्यांच्या या व्हिडिओवर चाहत्यांनी ही रील आदिपुरुषवर भारी पडेल अशा शब्दात कौतुक केले आहे.
दरम्यान, आदिपुरुष चित्रपट रिलिज झाल्यापासून त्यातील संवादामुळे वादात अडकला आहे. देशभरातून देवी देवतांचा अपमान केल्याची टीका चित्रपटावर होताना दिसत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.