अभिनेता रणवीर सिंग अलीकडेच अबू धाबी ग्रँड प्रिक्समध्ये सहभागी झाला होता, तेव्हा त्याला समालोचक मार्टिन ब्रंडलने कॅमेरावर बाईट घेण्यासाठी काही प्रश्न विचारले आणि तेव्हाच एक्स रेसिंग ड्रायव्हर मार्टिन ब्रंडलने कबूल केले की तो सिंग कोण आहे हे विसरला होता.

पण अत्यंत हुषारीने आणि कसलाही इगो न दाखवता रणवीर सिंहने त्या क्षणी नेमकं उत्तर दिलं ज्याने चाहत्यांची मनं जिंकली आहेत. काय होता हा प्रसंग चला समजुन घेऊया..

शनिवारी फिल्मफेअरच्या सोहळ्यानंतर रविवारी रणवीर अबुधाबी शहरात सुरु असणाऱ्या ‘२०२० अबुधाबी ग्रँड प्रिक्स’ या फॉर्मूला १ रेसिंग कारच्या स्पर्धेच्या ठिकाणी गेला.साहजिकच नेहमीप्रमाणे रणवीर अतरंगी कपडे परिधान करुन ही भव्यदिव्य स्पर्धा पाहायला गेला. स्पर्धेच्या ठिकाणी एफ १ रेसिंग क्षेत्रामधील अनेक मान्यवर उपस्थित होते.

तेथे रणवीर मार्टिन ब्रंडल (Martin Brundle) या एफ १ रेसिंगमधील दिग्गज खेळाडूला भेटला. तेव्हा त्यांनी रणवीरला “तुला कसं वाटतं आहे?” असा प्रश्न केला. त्यावर त्याने “मी आता जगाच्या सर्वोच्च स्थानावर आहे असे वाटतंय. मी खूप आनंदी आणि उत्साही आहे”, असे उत्तर दिलं.

पुढे मार्टिन त्याला म्हणाले, “मी क्षणभरासाठी ‘तू कोण आहेस’ हे विसरलोय.” आता असा प्रश्न एखाद्या सेलिब्रिटीला विचारणं म्हणजे त्याचा अपमान समजला जातो त्यांचं बोलणं ऐकून रणवीर नम्रपणे म्हणाला, “सर मी बॉलिवूड सिनेसृष्टीमधील अभिनेता आहे. मी मूळचा मुंबईचा आहे, भारतीय आहे. मी एक एन्टटेनर आहे.”

या भेटीचा व्हिडीओ सध्या सोशल मीडियावर मोठ्या प्रमाणात व्हायरल झाला आहे. रणवीरच्या विनम्र उत्तराचे नेटकरी खूप कौतुक करत आहेत. या प्रकरणावरुन मार्टिन ब्रंडल मात्र सोशल मीडियावर चांगलेच ट्रोल होत आहेत.