Tourist Fight Video : चोर्ला घाटात पर्यटकांमध्ये फ्रीस्टाईल हाणामारी; ट्रॅफिक झाले जॅम

गोव्यात येणाऱ्या पर्यटकांबाबत अनेक किस्से घडत असतात. इथे येणाऱ्या पर्यटकांमध्ये अनेकदा कोणत्या तरी गोष्टीवरून वाद होऊन प्रकरण अगदी हाणामारीपर्यंत पोहोचते. अशीच एक घटना आज चोर्ला घाटात घडली आहे. (Tourist Fight In Chorla Ghat Video)

मिळालेल्या माहितीनुसार, चोर्ला घाटात भर रस्त्यात तेलंगणा आणि महाराष्ट्रातील पर्यटकांमध्ये वाद सुरू झाला आणि या वादाचे रूपांतर नंतर मारामारीमध्ये झाले. यासंदर्भातील एक व्हिडिओ समोर आला असून यात दोन्हीही पर्यटक एकमेकांना जोरजोरात मारताना दिसत आहेत. यांच्यात वाद नेमका कशावरून पेटला त्याचे कारण कळू शकले नाही मात्र घाटात मोठी वाहतूक कोंडी झाली.

मुळातच चोर्ला घाटाचा रस्ता अरुंद असल्याने आणि दोन्ही गाड्या रस्त्यात थांबल्याने इतर वाहनचालकांना नाहक त्रास सहन करावा लागला. ही मारामारी सुरू असताना तिथे असलेल्या कोणत्याही चालकाने यात मद्यस्थी न करता बघ्याची भूमिका घेत बाजूने वाट काढण्याचा प्रयत्न केला.

इथे पाहा हा व्हिडिओ :

दरम्यान,  बेट आयलॅण्ड येथे समुद्रात स्कूबा डायव्हिंग करताना हृदयविकाराचा झटका आल्याने मुंबई येथील पर्यटक प्रकाश मधुसूदन खैर यांचा मृत्यू झाला.

मुंबई येथील खैर कुटुंब शनिवारी कळंगुट येथून पर्यटक बोटीतून बेट आयलॅण्ड येथे समुद्रात स्कूबा डायव्हिंग करण्यासाठी आले होते.