Vijay Deverakonda Rashmika Mandanna First Appearance: दाक्षिणात्य चित्रपटसृष्टीसह संपूर्ण देशाचे लक्ष लागून राहिलेली जोडी, अर्थात विजय देवरकोंडा आणि रश्मिका मंदाना अखेर विवाहबंधनात अडकले. उदयपूरमध्ये सात फेरे घेतल्यानंतर शुक्रवारी (27 फेब्रुवारी) ही जोडी पहिल्यांदाच पती-पत्नी म्हणून सार्वजनिकरित्या एकत्र दिसली.
लग्नानंतरच्या पहिल्याच 'पब्लिक अपीयरन्स'मध्ये या दोघांच्या चेहऱ्यावरील आनंद आणि उत्साह स्पष्टपणे दिसत होता. शुक्रवारी या नवविवाहित जोडप्याला उदयपूर विमानतळावर स्पॉट करण्यात आले, जिथून ते आपल्या नव्या आयुष्याची सुरुवात करण्यासाठी हैदराबादला रवाना झाले. या जोडीची केमिस्ट्री पाहून तिथे उपस्थित असलेले चाहते कमालीचे थक्क झाले.
विमानतळावर पोहोचताच पापराझी आणि चाहत्यांनी या जोडप्याला घेरा घातला, मात्र विजय आणि रश्मिकाने अतिशय साधेपणाने सर्वांचे अभिवादन केले. एकमेकांचा हात घट्ट पकडून चालणाऱ्या या जोडीच्या चेहऱ्यावर लग्नाचा आनंद आणि एक वेगळेच समाधान पाहायला मिळत होते. त्यांनी केवळ हात दाखवूनच प्रतिसाद दिला नाही, तर रश्मिकाने चाहत्यांना 'फ्लाइंग किस' दिली आणि दोघांनी मिळून हात जोडून सर्वांचे आभार मानले. विमानतळाच्या आत जाताना विजयने रश्मिकाला प्रेमाने आपल्या मिठीत घेतले, हा क्षण कॅमेऱ्यात कैद होताच सोशल मीडियावर या व्हिडिओने अक्षरशः धुमाकूळ घातला. दोघांच्याही हाताला अजूनही लग्नातील रक्षासूत्र बांधलेले होते, जे त्यांच्या साधेपणाची साक्ष देत होते.
या खास प्रसंगी रश्मिका मंदानाच्या 'न्यूलीवेड' लूकने सर्वांचे लक्ष वेधून घेतले. रश्मिकाने लाल रंगाचा पारंपारिक भारतीय सूट परिधान केला होता, ज्यामध्ये ती अत्यंत देखणी आणि मोहक दिसत होती. तिच्या भांगातील सिंदूर आणि चेहऱ्यावरील नववधूचे तेज तिच्या सौंदर्यात भर घालत होते. दुसरीकडे, विजय देवरकोंडा (Vijay Deverakonda) आपल्या स्टायलिश इंडो-वेस्टर्न आउटफिटमध्ये नेहमीप्रमाणेच हँडसम आणि क्लासी दिसत होता. सोशल मीडियावर या जोडीला 'परफेक्ट कपल'च्या कमेंट्स मिळत असून चाहत्यांनी त्यांच्यावर शुभेच्छांचा वर्षाव केला.
विजय आणि रश्मिकाचा हा शाही विवाह सोहळा गुरुवार, 26 फेब्रुवारी 2026 रोजी उदयपूरमधील आलिशान 'ITC ग्रँड मेमेंटोस' येथे पार पडला. हा सोहळा अत्यंत खाजगी ठेवण्यात आला होता, ज्यामध्ये केवळ कुटुंबातील सदस्य आणि चित्रपट सृष्टीतील काही मोजकेच जवळचे मित्र सामील झाले होते. आता हे जोडपे हैदराबादला परतले असून चाहत्यांना त्यांच्या लग्नाचे अधिकृत फोटो आणि व्हिडिओ पाहण्याची प्रचंड उत्सुकता लागली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.