राजकुमार राव (Rajkummar Rao) आणि पत्रलेखा (Patralekha) यांच्या लग्नाचे कार्यक्रम सुरू झाले आहेत. प्री-वेडिंग समारंभाचे फोटो आणि व्हिडिओ सोशल मीडियावर प्रचंड व्हायरल होत आहेत. दोघेही 14 नोव्हेंबरला म्हणजे आजच सात फेऱ्या घेणार आहेत. ३ दिवसीय सोहळ्यात सहभागी होण्यासाठी त्याचे जवळचे आणि मित्रमंडळी पोहोचले आहेत. 13 नोव्हेंबरच्या संध्याकाळचे काही फोटो समोर आले आहेत ज्यात राजकुमार आपल्या होणाऱ्या राणीला गुडघ्यावर बसवून प्रपोज करताना दिसत आहे.

व्हिडिओमध्ये राजकुमार राव गुडघ्यावर बसून पत्रलेखाला प्रपोज करताना दिसला आहे. प्रत्युत्तरात पत्रलेखाही समोर बसली. त्यानंतर दोघांनी एकमेकांना अंगठी घातली आणि नंतर डान्स केला. या सेलिब्रेशनचा व्हिडिओ चाहत्यांना खूप आवडला आहे. हा समारंभ न्यू चंदीगडमधील ओबेरॉय सुखविलास या लक्झरी रिसॉर्टमध्ये झाला आणि या जोडप्याचे जवळचे मित्र आणि कुटुंबीय उपस्थित होते. या सोहळ्याला हुमा कुरेशी, साकिब सलीम आणि फराह खान देखील उपस्थित होते.

पांढऱ्या रंगाच्या पोशाखात राजकुमार राव खऱ्या राजकुमारापेक्षा कमी दिसत नव्हता, पत्रलेखाही त्याला बरोबरीची स्पर्धा देत होती. व्हिडिओमध्ये राजकुमार गुडघे टेकून पत्रलेखाला विचारतो, तू माझ्याशी लग्न करशील का? यावर तीही गुडघ्यावर बसते आणि म्हणते, हो, करेन. यानंतर दोघेही एकमेकांना अंगठी घालतात. या कपलचा हा क्यूट छोटा व्हिडिओ चांगलाच सोशल मीडियावर व्हायरल होत आहे.

आज होणार दोघांचे लग्न

दरम्यान, कोविड-19 निर्बंधांमुळे खबरदारी घेत, राजकुमार आणि पत्रलेखा यांनी त्यांच्या पाहुण्यांची यादी काही निवडक लोकांपर्यंत केली आहे. त्यामुळे दोघांचे कुटुंबीय आणि बॉलिवूडमधील मोजकेच लोक लग्नाला उपस्थित राहू शकतात. लग्न रविवारी असून चाहते दोघांच्या लग्नाच्या लूकची आतुरतेने वाट पाहत आहेत.