पहिल्या भागात कल्ला करणारा पुष्पा आता दुसऱ्या भागातही सिंडिकेटचा राजा बनुन पुन्हा आपली दहशत कायम ठेवणार का हा प्रश्न चाहत्यांच्या मनात आहे. अल्लू अर्जुनच्या 'पुष्पा 2: द रुल' या चित्रपटाचा टीझर व्हिडीओ रिलीज झाला आहे, ज्याला अप्रतिम प्रतिसाद मिळत आहे. अल्लू अर्जुनच्या वाढदिवसानिमित्त निर्मात्यांनी चाहत्यांना एक जोरदार भेट दिली आहे. 

टीझर पाहिल्यानंतर चाहते प्रचंड खुश झाले असुन आता पुष्पा चित्रपटाच्या पडद्यावरही राज्य करणार असल्याचे सांगत आहेत. हा चित्रपट 1000 कोटींची कमाई नक्कीच करेल. अल्लू अर्जुन व्यतिरिक्त 'पुष्पा 2' मध्ये फहाद फासिल आणि रश्मिका मंदान्ना देखील दिसणार आहेत.

पुषा २: द रुलच्या टीझरमध्ये पुष्पा तुरुंगातून पळून जातो आणि महिनाभर कुठेही ओळखत नसल्याचे दाखवण्यात आले आहे. लोकांना वाटते की पुष्पा मारला गेला आहे. मात्र पोलीस पुष्पाचा शोध घेत आहेत. 

शहरात महिनाभरापासून दंगल उसळली असून लोकांमध्ये पोलिसांविरोधात संताप आहे. दरम्यान, जंगलात वाघासोबत एक माणूस दिसल्याची बातमी आहे, ती व्यक्ती पुष्पा आहे का? टीव्हीवर तो चेहरा पाहून लोक ओळखतात की तो पुष्पाच आहे.

'पुष्पा 2: द रुल'चा टीझर पाहिल्यानंतर चाहत्यांना आनंद झाला. विशेष बाब म्हणजे संपूर्ण टीझरमध्ये शेवटच्या काही सेकंदात नायकाची म्हणजेच पुष्पाची झलक दिसत असली तरी ती खूपच ढासु आणि आक्रमक दिसतोय. 

संवादही अप्रतिम आहेत, त्यातला एक डायलॉग खूपच भन्नाट आहे. - जंगलात एखादा प्राणी दोन पावले मागे गेला तर समजा सिंह आला. पण जेव्हा सिंह दोन पावले मागे सरकतो तेव्हा समजा पुष्पा आली आहे.'