Prabhas injured during shooting : सालार चित्रपटाच्या शूटिंगदरम्यान अभिनेता प्रभाससोबत एक अपघात झाला होता. यावेळी प्रभासला दुखापत झाली. डॉक्टरांनी सध्या त्याला पूर्णवेळ आराम करण्याचा सल्ला दिला आहे. अनेकदा कामाच्या व्यग्र वेळापत्रकामुळे कलाकारांना त्यांच्या आरोग्याकडे लक्ष देत नाहीत. मात्र त्याचा परिणाम त्यांना नंतर भोगावा लागतो. प्रभासच्या (Actor Prabhas) बाबतीत असेच काहीसे घडले आहे. सालार चित्रपटाच्या शूटिंगदरम्यान झालेल्या दुखापतीकडे प्रभासने दुर्लक्ष केले. मात्र आता त्याच दुखापतीचा त्रास वाढल्याने प्रभासला सर्जरीसाठी स्पेनला जावे लागले. (Prabhas injured during shooting in Spain; Had to undergo surgery)

राधेश्याम हा त्याचा चित्रपट फ्लॉप ठरत असल्याने प्रभास माध्यमांपासून दूर राहण्यासाठी प्रभास स्पेनला गेला, असे अनेकजण म्हणत होते. मात्र प्रभास सर्जरीसाठी तिथे गेला असल्याचे समोर आले आहे. त्याच्या सर्जरीची माहिती मिळाल्यावर तीच्या चाहत्यांमधून चिंता व्यक्त केली जात आहे. प्रभास लवकरात लवकर बरा व्हावा यासाठी, त्याचे चाहते देवाजवळ प्रार्थना करत आहेत.