पियुष मिश्रा हे नाव प्रेक्षकांना नवीन नाही. गेली 3 दशकं बॉलिवूडमध्ये त्यांनी आपल्या अभिनयाच्या माध्यमातुन आपला एक वेगळा प्रेक्षकवर्ग निर्माण केला आहे. 'एक बगल मे चांद होगा' हे गॅंग्ज ऑफ वासेपूर मधलं त्यांचं गाणं कित्येक तरुण आजही गुणगुणताना दिसतात.

पियुष मिश्रा केवळ एक अभिनेते नाहीत तर ते एक लेखक कवीही आहेत. 2015 मध्ये त्याने रणबीर कपूरसोबत इम्तियाज अलीच्या 'तमाशा' चित्रपटात काम केले होते. रॉकस्टार चित्रपटातही दोघांनी स्क्रिन शेअर केली होती. अलीकडेच त्यांनी मीडियाशी संवाद साधत रणबीर च्या काही आठवणी शेअर केल्या आहेत.

अभिनेता पियुष मिश्रा रणबीर कपूरबद्दल बोलताना म्हणाले "रणबीर कपूरसोबत काम करण्याचा अनुभव शेअर केला. म्हणाले, पियुष मिश्रा म्हणाले- 'रणबीर हा असा मुलगा आहे, सर्वप्रथम तो एक उत्तम अभिनेता आहे. त्याच्याशी बोलून खूप आनंद होतो. कधी कधी तो अत्यंत घाणेरड्या गोष्टी बोलतो, त्याच्या बोलण्याचं मला खूप हसू यायचं . इम्तियाजचा जुना मित्र होता. तमाशाचे 3 दिवसांचे शूट होते जे अवघ्या 1 दिवसात पूर्ण झाले".

रणबीर कपूर एक उत्तम अभिनेता आहे. पीयूष मिश्रांनी याआधी रणबीरसोबत 'तमाशा' आणि 'रॉकस्टार' या चित्रपटात काम केले आहे. 'तमाशा'मध्ये पीयूष मिश्रांनी रणबीर कपूरला प्रेरणा देणार्‍या कथाकाराची भूमिका साकारली होती. आणि रॉकस्टारमध्ये त्याने म्युझिक कंपनीच्या मालकाची भूमिका साकारली होती.

लवकरच रणबीर त्याच्या 'तू झुठी मैं मक्कार' या चित्रपटात दिसणार आहे. या चित्रपटात रणबीर पहिल्यांदाच श्रद्धा कपूरसोबत स्क्रीन शेअर करत आहे. दोघांची जोडी खूप छान दिसतेय.