फायनली त्या फॅन्सची प्रतीक्षा संपली आहे जे पिचर्स च्या सेकंड सिझनची आतुरतेने वाट बघत होते. प्रसिद्ध वेब सिरीज पिचर्स सिझन 2 चा ट्रेलर नुकताच रिलीज झाला पण त्यात आपला लाडका जीतु भैय्या म्हणजेच जितेंद्र कुमार नदारद (Jitendra Kumar) न दिसल्याने फॅन्स नाराज झाले आहेत.

तब्बल 7 वर्षांच्या प्रतीक्षेनंतर आता हा सिझन प्रेक्षकांना पाहता येणार आहे. या सिझनमध्ये काही नवीन कॅरेक्टर्स पहायला मिळणार आहेत. पण फॅन्स मात्र आपल्या लाडक्या जीतु भैय्याला शोधत राहिले कारण या ट्रेलरमध्ये जीतु भैय्या काही दिसला नाही.

जीतु या कॅरेक्टर मुळे अभिनेता जितेंद्र कुमार नदारद याला एक वेगळी ओळख मिळाली होती. ही वेब सीरीज जितेंद्रच्या फॅन्ससाठी खुप जवळची आहे.

या सिझनमध्ये पुन्हा त्या मित्रांची गोष्ट दाखवली जाणार आहे जे नोकरी करतात पण काही वेगळं करण्याची त्यांची इच्छा आहे. रिस्क घेण्याच्या नादात त्यांना बरंच काही गमवावंही लागतं.

या सिझनमध्ये पुन्हा आपल्याला या मित्रांच्या रिस्क, फेल्युअर, सक्सेस यांची गोष्ट बघायला मिळाली होती. सोबतीला कॉमेडीचा तडका होताच.

मागच्या सिझनमध्ये आपल्याला नवीन, अभिषेक, जीतेंद्र ,अभय महाजन आणि अरुणभ कुमार हे मुख्य भुमिकेत दिसले होते. या पाचही जणांचा दमदार अभिनय फॅन्सनी डोक्यावर घेतला होता. हे पाचही मित्र नवीन स्टार्ट-अप करणार असतात पण कित्येकदा त्यांच्यात इमोशनल ब्रेकडाउन येतं पण तरीही त्यांचा संघर्ष सुरू राहतोच. आता नव्या सिझनमध्ये काय पहायला मिळणार आहे याची फॅन्समध्ये चांगलीच उत्सुकता आहे.

23 डिसेंबरला ख्रिसमसच्या मुहूर्तावर ही वेब सिरीज झी फाईव्ह या ओटीटी प्ल्ॅटफॉर्मवर बघायला मिळेल.

या वेब सीरीजमध्ये 'एस्पिरेंट्स' फेम नवीन कस्तूरिया, अभय महाजन, 'स्त्री' फिल्ममध्ये भाव खाऊन गेलेला अभिषेक बॅनर्जी, टीवी अॅक्ट्रेस रिद्धि डोगरा, सिकंदर खेर, गोपाल दत्त, आशीष विद्यार्थी, रोंजिनी चक्रवर्ती ही तगडी स्टारकास्ट बघायला मिळेल.