अभिनेत्री परिणिती चोप्रा आणि आम आदमी पार्टीचे युवा नेते खा. राघव चढ्ढा यांच्या लग्नाची बातमी नुकतीच समोर आली असुन या दिवशी दोघे विवाहबंधनात अडकणार असल्याची माहिती सूत्रांकडून समोर आली आहे.

परिणीती चोप्रा आणि राघव चढ्ढा यांच्या लग्नाची तारीख निश्चित झाली आहे. दोघेही 25 सप्टेंबरला राजस्थानमध्ये लग्न करणार आहेत. राजस्थानमध्ये सात फेऱ्या कुठे होतील, हे अद्याप स्पष्ट झालेले नाही. सध्या परिणीतीची टीम अॅक्शन मोडमध्ये आल्याचे सांगण्यात येत आहे.

अखेर तो दिवस निश्चित

परिणीती चोप्राचे चाहते ज्या दिवसाची आतुरतेने वाट पाहत होते तो दिवस आला आहे. परिणीती चोप्रा आणि राघव चढ्ढा यांच्या लग्नाचा दिवस निश्चित झाला आहे. 25 सप्टेंबर रोजी दोघे लग्न करणार असल्याचे सांगण्यात येत आहे. परिणीती आणि राघव चढ्ढा यांची 13 मे 2023 रोजी दिल्लीत एंगेजमेंट झाली. आता या वर्षी ते लग्न करणार आहेत.

परिणितीने गुप्तता पाळली

एका स्रोताने ETimes ला सांगितले की हे एक मोठे लग्न असेल. परिणीती चोप्राच्या टीमने लग्नाच्या तयारीला सुरुवात केली आहे. 

परिणिती तिच्या लग्नाचे कोणतेही डिटेल्स कोणाशीही शेअर करत नाहीये. तिने सर्व काही गुप्त ठेवले आहे. लग्नाचे सर्व विधी परिणीती आणि राघव चढ्ढा यांच्या कुटुंबियांमध्ये होणार आहेत.

सप्टेंबरच्या पहिल्या आठवड्यात लग्नाची तयारी...

सूत्राने असेही जोडले की परिणीती चोप्रा सप्टेंबरच्या पहिल्या आठवड्यात तिच्या लग्नाची तयारी करेल. हे लग्न राजस्थानमध्ये होणार असल्याचे सांगण्यात येत आहे. त्यानंतर गुरुग्राममध्ये रिसेप्शन होणार आहे. याबाबत ETimes ने परिणीतीशी संपर्क साधला असता, तिच्याकडून कोणताही प्रतिसाद मिळाला नाही.

परिणितीचा आगामी चित्रपट

परिणीती सध्या अक्षय कुमारसोबत 'द ग्रेट इंडियन रेस्क्यू' या चित्रपटाचे शूटिंग करत आहे. परिणीती आणि राघव चढ्ढा यांच्या प्रेमकथेबद्दल बोलायचे झाले तर दोघेही खूप जुने मित्र आहेत. पण 2022 पासून त्यांच्यातील जवळीक वाढली.

 परिणिती पंजाबमध्ये 'चमकिला' चित्रपटाचे शूटिंग करत होती. त्यानंतर राघव चढ्ढा परिणीतीला भेटण्यासाठी चित्रपटाच्या सेटवर पोहोचला. तेव्हाच दोघांनाही एक नातं जाणवलं आणि मग प्रेम झालं.