Grammy Awards 2022: पाकिस्तानी गायक अरुज आफताबने 64 व्या ग्रॅमी अवॉर्ड्समध्ये इतिहास रचला आहे. ग्रॅमी पुरस्कार जिंकणारी अरुज पहिली पाकिस्तानी महिला ठरली आहे. मोहब्बत या गाण्यासाठी अरुज आफताबला सर्वोत्कृष्ट ग्लोबल म्युझिक परफॉर्मन्स कॅटेगरीत हा पुरस्कार मिळाला आहे. (Pakistani singer Arooj Aftab wins Grammy award)

ग्रॅमीच्या अधिकृत ट्विटर हँडलवरून ट्विट करून ही बातमी देण्यात आली. 'अरुज आफताबच्या 'मोहब्बत' ला सर्वोत्कृष्ट ग्लोबल म्युझिक परफॉर्मन्स 2022 चा ग्रॅमी पुरस्कार मिळाला आहे. आफताब ही ग्रॅमी पुरस्कार जिंकणारी पहिली पाकिस्तानी महिला (Woman) आहे.' पुरस्कार जिंकल्यानंतर अरुज आफताबने आनंद व्यक्त करत म्हटले की, 'मला वाटते की मी बेशुद्ध पडेन.

माहिरा खानने व्यक्त केला आनंद
पाकिस्तानी (Pakistan) अभिनेत्री माहिरा खानने आफताबला ग्रॅमी पुरस्कार मिळाल्याबद्दल आनंद व्यक्त केला आहे. माहिराने ट्विट करून अरुजला शुभेच्छा दिल्या. तीने लिहिले, 'तुझा खूप अभिमान आहे. अशीच चमकत रहा. माहिरा खानशिवाय पाकिस्तानी गायक अली सेठीनेही अरुजचे अभिनंदन केले आहे.

अरुज आफताबचा जन्म सौदी अरेबियात झाला. 2005 मध्ये वयाच्या 19 व्या वर्षी ती अमेरिकेत (America) स्थलांतरित झाली. येथे तीने बर्कली कॉलेज ऑफ म्युझिकमधून संगीताचे शिक्षण पूर्ण केले.