Nick Jonas Birthday: प्रियांका चोप्रा आणि निक जोनास हे चित्रपट जगतातील 'आयडॉल कपल' मानले जातात. निक हा अमेरिकन गायक, अभिनेता आणि गीतकार आहे. तर प्रियांका ही बॉलिवूडची प्रसिद्ध अभिनेत्री आहे. बॉलिवूड ते हॉलिवूड असा प्रवास करणारी ती एक यशस्वी अभिनेत्री आहे. या सुंदर अभिनेत्रीने देशातच नाही तर परदेशातही आपले नाव कमावले आहे.

अनेक वर्षे एकमेकांना डेट केल्यानंतर निक आणि प्रियांका यांनी 2018 मध्ये लग्न केले. प्रियांका निकपेक्षा जवळपास 11 वर्षांनी मोठी आहे. त्यांना मारिया मालती जोनास चोप्रा नावाची मुलगी देखील आहे. आज म्हणजेच 16 सप्टेंबरला निक त्याचा 30 वा वाढदिवस साजरा करत आहे.

त्याच्या वाढदिवसाच्या खास निमित्त सिंगरने त्याच्या इंस्टाग्राम हँडलवर एक व्हिडिओ शेअर केला आहे. त्याच्या वाढदिवसाच्या तयारीचे दृश्य या व्हिडिओमध्ये स्पष्टपणे पाहायला मिळते. काळ्या टी-शर्ट आणि काळ्या सनग्लासेसमध्ये निक स्मार्ट दिसत आहे. निकच्या या व्हिडिओमध्ये तो त्याच्या प्रायव्हेट जेटमध्ये असल्याचे दिसत आहे, तसेच त्याचा इंटिरियर डिझायनर बर्थडेचा बॅनर घेऊन उभा आहे. या व्हिडिओमध्ये प्रियांका चोप्रा डेनिम आउटफिटमध्ये फोनवर बोलताना दिसत आहे.

जोनासच्या कारकिर्दीबद्दल, त्याचा पहिला अल्बम इट्स अबाऊट टाइम 2016 मध्ये रिलीज झाला. यानंतर त्याच्या बँडने डिस्ने चॅनलवर चांगले यश मिळवले. प्रियांकाच्या आधी निकने अनेक मुलींना डेट केले आहे. एका मुलाखतीत त्याने कबूल केले की त्याची पहिली गर्लफ्रेंड मायली सायरस होती. पण याचा निक आणि प्रियंकाच्या नात्यावर कोणताही परिणाम झाला नाही.