मृणाल ठाकूर एक वेगळ्या धाटणीची अभिनेत्री आहे. आजवर तिने साकारलेल्या अनेक भूमीकांमधून अभिनयाची एक वेगळी शैली तिने प्रेक्षकांना दाखवली आहे. मृणाल सध्या तिच्या कामापेक्षा एका व्हायरल फोटोमुळे चर्चेत आहे, तिच्या या फोटोमुळे तिच्या चाहत्यांमध्ये चिंता वाढल्या आहेत.

मृणालने एक रडवेला फोटो आपल्या इन्स्टाग्राम अकाऊंटवर शेअर केला होता त्यावर आता तिने प्रतिक्रिया दिली आहे. तिला कसलं नैराश्य आलंय का या प्रश्नावर तिने चाहत्यांशी संवाद साधला आहे.

गेल्या महिन्यात, मृणाल ठाकूरने इंस्टाग्राम स्टोरीवर आपल्या 'भोळे' आणि 'असुरक्षित' असण्याबद्दल एक कमेंट केली होती. तिने स्वतःचा एक फोटो शेअर केला ज्यामध्ये ती रडत होती, त्यानंतर सोशल मीडियावर अनेकांनी तिच्या प्रकृतीबद्दल चिंता व्यक्त केली होती. 

आता एका नवीन मुलाखतीत मृणालने तिच्या रडणाऱ्या फोटोबद्दल खुलासा केला आहे. तिने असेही म्हटले की सोशल मीडिया 'अस्तित्वात नसलेल्या जगाचा भ्रम देतो'.

“अशा काही वेळा असतात जेव्हा मी आनंदी फोटो पोस्ट करते, पण मला तसे वाटत नाही. ज्या दिवशी मी तो फोटो पोस्ट केला, तेव्हा मला जाग आली की मला सामर्थ्यवान, आनंदी आणि धैर्य या गोष्टी फिल केल्या आणि मला कळले की कोणतीही समस्या तुम्हाला आयुष्यात निराश करू शकत नाही. 

असे दिवस असतात जेव्हा आपण आपला स्वाभिमान, आत्मविश्वास गमावतो आणि आपण आपल्या योग्यतेवर प्रश्नचिन्ह उभे करतो. आत्म-शंका घेते. अशा जगात जिथे माहिती आणि मतांचा अतिरेक आहे, तुमच्या आजूबाजूला इतके आवाज आहेत की तुम्ही तुमचा आतला आवाज ऐकणे थांबवता. जगासमोर असुरक्षित होण्यासाठी खूप धैर्य लागते,” मृणालने एका मुलाखतीत या गोष्टी शेअर केल्या .