मार्वलचा नवीन सुपरहिरो चित्रपट स्पायडर-मॅन: नो वे होम जागतिक स्तरावरील अनेक बॉक्स ऑफिस (Box office) रेकॉर्ड तोडत आहे. डेडलाइनच्या अहवालानुसार, चित्रपटाने शनिवारपर्यंत जगभरात $302.9 दशलक्ष डॉलरची कमाई केली आहे.

स्पायडर-मॅन: नो वे होमने शुक्रवारी देशांतर्गत बॉक्स ऑफिसवर $121.5 दशलक्ष कमाई केली. शनिवारपर्यंत एवढी कमाई करणारा नो वे होम हा सहावा चित्रपट (Movie) आहे.
महामारीच्या काळात एवढी कमाई करणारा तो पहिलाच चित्रपट बनला आहे. विश्लेषकांचा अंदाज आहे की, चित्रपटाने जगभरात $1 अब्जचा टप्पा लवकरच पार करेल.

“माझा या आकड्यांवर विश्वास बसत नाही. तुम्ही हे शक्य केले. तुमचे प्रेम आणि पाठिंबा म्हणजे माझ्यासाठी सर्व काही आहे . धन्यवाद, धन्यवाद, धन्यवाद आणि जर तुम्ही अद्याप चित्रपट पहिला नसेल तर तुम्हाला काय करायचे ही माहित आहे,” असे स्पायडर-मॅनची भूमिका सकरणारा टॉम हॉलंडने (Tom Holland) सोशल मिडियावर (Social Media) लिहिले. ड्वेन जॉन्सनने देखील टॉम आणि संपूर्ण नो वे होम टीमचे अभिनंदन केले. तो लिहितो, “मी याबद्दल खूप आनंदी आहे!!!! तुमचे आणि संपूर्ण टीमचे अभिनंदन."